Eins og greint var frá fyrr á þessu ári eða í september þá var fyrrum knattspyrnustjarnan Jay Emmanuel-Thomas handtekinn.

Emmanuel-Thomas var handtekinn á heimili sínu í Gourock en hann er grunaður um að hafa átt stóran þátt í að smygla inn um 60 kílóum af hassi til Englands.

Efnin voru fundin í tveimur ferðatöskum á Stansted flugvellinum en þær höfðu komið með flugi frá Taílandi.

Emmanuel-Thomas er fyrrum leikmaður Arsenal, Ipswich, Bristol og Queens Park Rangers – hann lék einnig fyrir yngri landslið Englands.

Emmanuel-Thomas lék í Taílandi á sínum tíma en hann var á mála hjá PTT Rayong árið 2019.

Þessi 33 ára gamli leikmaður mætti fyrir framan dómara í fyrsta sinn í gær en hann neitar allri sök í málinu og segist saklaus.

Emmanuel-Thomas er enn í haldi lögreglu en dæmt verður í málinu á næsta ári.