Paul Merson fyrrum framherji Arsenal segir að liðið geti ekki orðið enskur meistari ef það tapar gegn Liverpool á sunnudag.
Arsenal tapaði gegn Bournemouth um liðna helgi og þarf á stigum að halda til að missa ekki Liverpool og City of langt á undan sér.
„Þetta er stórleikur, rosalega mikilvægur leikur,“ sagði Merson um leikinn á sunnudag.
„Ég geng svo langt og segi að ef Arsenal tapar hérna á liðið ekki séns á titlinum. Það er mín skoðun.“
Leikurinn fer fram á Emirates vellinum í London en meiðsli herja á leikmenn Arsenal þessa dagana.
„Fólk getur þá farið að tala um að það séu 29 leiki eftir en þegar Manchester City vinnur Southampton þá verður Arsenal sex stigum á eftir þeim.“
„Og ef þeir tapa svo gegn Liverpool þá verða þeir sjö stigum á eftir þeim.“
