Roy Keane fyrrum fyrirliði Manchester United gæti verið að landa sínu fyrsta þjálfarastarfi í fimm ár en félag í Skotlandi sýnir honum áhuga.
Keane sem er 53 ára gamall hefur lengi talað um það að hann vilji fara að komast út í þjálfun aftur.
Keane hefur síðustu ár verið í starfi hjá Sky Sports. Hann var síðast aðstoðarþjálfari Nottingham Forest árið 2019.
Áður hafði hann stýrt Sunderland, Ipswich og verið aðstoðarþjálfari írska landsliðsins.
Hibernian í Skotlandi hefur nú áhuga á að fá Keane til starfa en liðið hefur verið í tómu tjóni og er á botni úrvalsdeildarinnar í Skotlandi.
David Gray stýrir liðinu en ef liðið tapar grannaslag í Edinburg á sunnudag gæti hann misst starfið.
