Bjarni Helgason blaðamaður Morgunblaðsins leggur til að Age Hareide verði skipt út sem landsliðsþjálfara í nóvember. Samningur Hareide er með uppsagnarákvæði sem tekur gildi í nóvember.

Bjarni vill að Freyr Alexandersson kom til starfa en hann var áður aðstoðarþjálfari liðsins áður en hann hélt erlendis þar sem hann hefur starfað í Katar, í Danmörku og nú í Belgíu.

„Hann hef­ur ekki eytt mikl­um tíma hér á landi og hef­ur sín­ar ástæður fyr­ir því en á sama tíma velt­ir maður því líka fyr­ir sér hvort ís­lenska landsliðið sé í fyrsta sæti hjá hon­um,“ segir Bjarni um Hareide.

Meira:
Utan vallar: Latur Norðmaður sem ætti að víkja fyrir augljósum kosti

Bjarni segir augljósa kostinn til að taka við af Hareide vera Frey.  „Fyr­ir mér er einn aug­ljós kost­ur í stöðunni og það er Freyr Al­ex­and­ers­son. Hann þekk­ir landsliðsum­hverfið út og inn. Það er erfitt að koma inn í landsliðsum­hverfið eft­ir að hafa þjálfað fé­lagslið í lang­an tíma. Um­hverfið er allt öðru­vísi. Þú hef­ur miklu minni tíma til þess að koma þínum áhersl­um á fram­færi og vinna með mönn­un­um,“ skrifar Bjarni í Morgunblaðið.

„Leik­menn­irn­ir bera mikla virðingu fyr­ir hon­um og hann nær vel til þeirra. Ég vil sjá Frey Al­ex­and­ers­son sem næsta landsliðsþjálf­ara.“