Knattspyrnuskóli Íslands er nýr skóli sem býður upp á fótboltanámskeið fyrir leikmenn fædda 2011-2018. Markmið okkar er að þróa færni og sjálfstraust leikmanna í skemmtilegu og hvetjandi umhverfi.

Viktor Unnar Illugason er stjórnandi skólans en hann hefur starfað sem þjálfari yngri flokka hjá Breiðablik og Val síðustu ár og hefur komið að þjálfun í 6., 4, 3, og 2. flokk ásamt því að vera í þjálfarateymi meistaraflokks karla hjá Val á þessu ári. Viktor hefur í gegnum árin tekið að sér einstaklingsþjálfun og afreksæfingar fyrir bæði einstaklinga og minni hópa í fótbolta.

Smelltu hér til að skrá þig

Gestaþjálfarar úr Bestu deildinni verða á námskeið

„Við bjóðum fjölbreytt námskeið með áherslu á grunnfærni, tækni, móttöku og skot. Stjörnur úr Bestu deildinni koma sem gestaþjálfarar og deila reynslu sinni og þekkingu með skemmtilegum en krefjandi æfingum fyrir leikmenn,“ segir á vefnum.

Námskeiðið hentar bæði byrjendum og þeim sem eru lengra komnir, en aðalmarkmikið er að leikmenn hafi gaman og geti tekið æfingarnar með sér heim til að bæta sig frekar. Komdu og vertu með okkur í spennandi fótboltaævintýri!