Joel Matip er hættur í fótbolta aðeins 33 ára gamall en varnarmaðurinn hefur sjálfur greint frá þeim fréttum.
Matip var síðast á mála hjá Liverpool en hann spilaði með enska stórliðinu í heil átta ár.
Samningi leikmannsins lauk í sumar og hefur hann ekki skrifað undir hjá nýju félagi síðan þá.
Matip vann fjölmarga titla með Liverpool en nefna má tvo af þeim stærstu, ensku úrvalsdeildina og Meistaradeildina.
Meiðsli settu strik í reikning Matip undir lok ferilsins og mun hann nú einbeita sér að öðrum hlutum.
