Heimir Hallgrímsson hefur létt af sér pressunni með góðum sigri á Finnlandi á útivelli í Þjóðadeildinni í gær.

Írar er kröfuharðir og eftir tvö töp í fyrstu tveimur leikjum Heimis í starfi fór að verða nokkur pressa.

Eftir að hafa lent undir í Finnlandi komu Írar til baka og unnu góðan sigur. „Ég vil halda áfram að vinna, það er alltaf betra að sjá stuðningsmennina eftir sigur. Þúsund írar voru mættir hérna og það var gaman að sjá hversu sáttir þeir voru,“ segir Heimir.

„Ég hef aldrei séð svona stemmingu, þeir sungu lengi fram eftir. Að sjá hvað þetta gefur þeim eru verðlaun fyrir mig sem þjálfara.“

„Ég hef aldrei upplifað að þúsund stuðningsmenn ferðast í útileik og eru svona háværir og eru svona lengi. Ég elska þetta, ég gef þeim mikla virðingu.“

Heimir var sáttur með leikinn. „Áður en við skoruðum kom góð orka frá stúkunni. Okkur leið eins og þeir væru sáttir með það sem við vorum að gera.“