Aurelien Tchouameni miðjumaður Real Madrid er til sölu samkvæmt fréttum á Spáni en hann er ekki að spila eins mikið og vonir stóðu til um.
Fichajes á Spáni segir að Real Madrid ætli að selja hann næsta sumar til að fá inn fjármuni.
Fichajes segir að Real skelli um 70 milljóna punda verðmiða á franska landsliðsmanninn.
Þar segir einnig að Liverpool sé eitt þeirra liða sem hafi áhuga á Tchouameni sem er 24 ára gamall.
Vitað er að Arne Slot hefur áhuga á að fá inn djúpan miðjumann og Tchouameni gæti því verið kostur sem Liverpool skoðar.
