Jónatan Ingi Jónsson er að ganga í raðir Vals samkvæmt heimildum 433.is.
Hinn 24 ára gamli Jónatan kemur frá norska liðinu Sogndal, þar sem hann hefur spilað undanfarin tvö ár. Þangað kom hann frá FH, þar sem hann er uppalinn.
Valur hefur verið á höttunum eftir kantmanni. Aron Bjarnason var sterklega orðaður við félagið en samdi að lokum við Breiðablik.
Jónatan ætti að reynast góður styrkur fyrir Val, sem hafnaði í öðru sæti Bestu deildarinnar í fyrra og ætlar sér stærri hluti í ár.
Arnar Grétarsson er að fara inn í sitt annað tímabil sem þjálfari liðsins.
