Kyle Walker fékk að flytja heim til sín aftur á dögunum en þrátt fyrir það eru enn vandræði hjá honum og Annie Kilner.

Ensk blöð segja í dag að Kilner fari fram á það að fá 15 milljónir punda inn á sinn bankareikning ef hún á að gefa sambandinu annan séns.

Kilner vill að fjárhagur þeirra verði aðskilin en þessa upphæð fengi Kilner ef þau myndu ákveða að skilja.

Kilner hefur hins vegar ekki áhuga á því að peningar sem hún á fari í að borga hluti fyrir tvö börn sem Walker á utan hjónabands.

Ensk blöð segja að Walker og Kilner rífist nánast yfir öllu þessa dagana og ekki hjálpar það Kilner að systir hennar var að eignast barn með öðrum manni en eiginmanni sínum. Staða þeirra systra er svipuð en á ólíkan hátt, haldið var framhjá Kilner en systir hennar hélt framhjá.

Kilner og Walker eiga fjögur börn saman en hún var ófrísk þegar hún sparkaði Walker út. Ástæðan var að Walker hafði barnað hjákonu sína í annað sinn.

Walker á tvö börn með Lauryn Goodman en eftir að fyrra barnið kom í heiminn slitu Walker og Kilner sambandinu um stutta stund.

Hún fyrirgaf Walker hliðarsporið og var það henni mikið áfall þegar í ljós kom að Walker hefði aftur farið af heimilinu til að girða niðrum sig.