Nicolas Jackson hentar Chelsea betur en Erling Haaland ef þú spyrð fyrrum leikmann liðsins, Jimmy Floyd Hasselbaink sem starfar í dag sem sérfræðingur.

Haaland er einn allra besti ef ekki besti sóknarmaður heims og hefur raðað inn mörkum á þessu tímabili en hann er á mála hjá Manchester City.

Hasselbaink telur þó að leikstíll City hjálpi Haaland mikið og að hann myndi alls ekki gera eins góða hluti hjá Chelsea ef hann væri þar í dag.

,,Þú ert með Erling Haaland, þú ert með Alexander Isak og svo ertu með Nicolas Jackson,“ sagði Hasselbaink.

,,Ef þú setur Haaland í þetta Chelsea lið mun hann skora jafn mörg mörk og hann gerir hjá Manchester City? Ég held ekki.“

,,Hversu mörg mörk verða sköpuð fyrir Haaland þar sem hann getur potað boltanum inn?“

,,Ég elska Isak sem leikmann og hann er með allt sem bestu framherjarnir þurfa en myndi hann skora jafn mikið í City og Haaland? Ég held ekki.“

,,Við vitum að Haaland er sá besti í að klára færin en ekki sá besti í að skapa færin. Þetta eru allt frábærir leikmenn með mismunandi kosti.“

Hasselbaink hélt áfram og byrjaði að bera saman Haaland og Jackson og hafði þetta að segja:

,,Jackson og Haaland eru á svipuðum aldri. Munurinn er að Haaland er með meiri reynslu af því að mæta þeim bestu eins og í Meistaradeildinni. Hann hefur spilað á því stigi síðan hann vakti athygli með Salzburg.“

,,Það er það sem Jackson þarf að gera til að vera talinn einn besti framherji heims. Hann þarf að vera eitraður fyrir framan markið og skora mörk reglulega í besta gæðaflokki. Það er stór áskorun fyrir hann en hann getur komist þangað.“

,,Ef Jackson kemst á það stig sem hann getur komist á þá mun hann kosta 150 milljónir punda, ég er sannfærður um það.“