Ný hárgreiðsla goðsagnarinnar Luis Suarez fer ekki vel í alla en hann er leikmaður Inter Miami í Bandaríkjunum.
Suarez hefur birt mynd af nýrri hárgreiðslu en hann ákvað að aflita hárið og eru ekki allir sammála um að það fari honum vel.
Suarez er fyrrum leikmaður Liverpool og Barcelona en hann samdi nýlega við bandaríska félagið til að spila með Lionel Messi.
Ljóshærður Suarez er ekki eitthvað sem hans aðdáendur eru vanir og hefur hann þess vegna fengið töluvert skítkast.
,,Af hverju ertu að þessu? Þú ert að nálgast fertugt, þú ert ekki tvítugur,“ skrifar einn við færslu Suarez.
Annar bætir við: ,,Flott tímabil en forljótt hár. Þetta hjálpar þér ekki og ekki þeim sem fylgjast með.“
Þetta má sjá hér.
