Erik ten Hag hefur gert frábæra hluti hjá Manchester United ef þú spyrð Ange Postecoglou, þjálfara Tottenham.

Ten Hag er oft gagnrýndur fyrir vinnu sína í Manchester og er í dag talinn vera nokkuð valtur í sessi.

Ten Hag hefur unnið tvo titla með United eftir að hafa tekið við félaginu en flestir bjuggust við meira eftir mikla eyðslu á félagaskiptamarkaðnum.

Ange er þó hrifinn af því starfi sem Hollendingurinn er að vinna og hvetur aðra til að hafa trú á hans störfum.

,,Erik er í mjög erfiðu starfi og hann hefur staðið sig vel. Hann nefnir oft að hann hafi unnið tvo titla og að það sé ekki ómerkilegt afrek, allir eru að segja við mig að ég þurfi að gera það sama“ sagði Ange.

,,Það er hins vegar ekki allt sem þú þarft að gera því þegar þú afrekar það þá býst fólk við meira. Hann hefur gert frábæra hluti í erfiðu starfi.“