Bayer Leverkusen er með ákveðið leikplan til að vinna Bayern Munchen um helgina en þetta segir Granit Xhaka.

Xhaka er leikmaður Leverkusen og vann deildina með liðinu á síðustu leiktíð – Leverkusen tapaði ekki einum deildarleik undir stjórn Xabi Alonso.

Verkefni Leverkusen verður erfitt um helgina en liðið mætir stórliði Bayern sem er sigurstranglegra fyrir leikinn.

Xhaka segir að það sé vilji Leverkusen að pirra leikmenn Bayern sem er með margar stórstjörnur innanborðs.

,,Við viljum vera á toppnum eins lengi og mögulegt er. Auðvitað erum við með okkar eigin markmið en við tökum þetta einn leik í einu,“ sagði Xhaka.

,,Næsta skref er Bayern Munchen og leikplanið er að pirra þá á vellinum, alveg eins á á síðustu leiktíð.“