Andy Carroll borgar með sér til að spila með Bordeaux í Frakklandi en hann samdi við félagið á dögunum.
Bordeaux var úrskurðað gjaldþrota í síðasta mánuði en félagið reynir að koma sér aftur á koppinn og leikur í fjórðu efstu deild.
Carroll var samningsbundinn Amiens í næst efstu deild Frakklands en eigandi þeirra hefur verið að hjálpa Bordeaux.
Carroll er 35 ára gamall en hann hefur farið víða á ferli sínum. Hann þénar 525 þúsund krónur á mánuði.
„Þetta kostar mig peninga að spila fyrir Bordeaux en ég er bara ánægður að spila fótbolta,“ segir Carroll sem hefur þénað vel á ferlinum.
„Ég vil vera hluti af þessu félagi og sögu, þetta var aldrei að snúast um peninga.“
