Diogo Costa er efstur á blaði Barcelona nú þegar félagið er farið að skoða markvörð til framtíðar. Mundo Deportivo segir frá.
Marc-Andre ter Stegen sleit krossband um síðustu helgi en ljóst er að þessi 32 ára markvörður verður lengi frá.
Wojciech Szczęsny er að semja við Barcelona en þessi pólski markvörður var hættur í fótbolta þegar Barcelona kom kallandi.
Szczęsny verður þó bara út þessa leiktíð og vill Barcelona samkvæmt fréttum fá Costa frá Porto næsta sumar.
Costa er landsliðsmarkvörður Portúgals og hafa mörg stærri lið horft til hans síðustu ár.
