ESPN segir að Erik ten Hag stjóri Manchester United hafi ekki viljað kaupa Ivan Toney í sumar þegar félagð lagði það til.
Ástæðan á að vera sú að Toney er ekki nógu góður í því að pressa varnarmenn.
Taldi Ten Hag að hann myndi ekki passa í þann stíl sem hann vill spila, fór svo að United treysti frekar á að fá Joshua Zirkzee framherja frá Bologna.
Zirkzee hefur byrjað ágætlega hjá United en þó aðeins skorað eitt mark og verið í vandræðum með að klára færin.
Enskir miðlar segja að United sé byrjað að fylgjast meira og meira með Benjamin Sesko framherja RB Leipzig.
Sesko er markavél sem hefur verið öflugur hjá Leipzig en Arsenal hefur einnig verið að skoða framherjann.
