Kevin Thelwell, yfirmaður knattspyrnumála Everton, hefur gefið sterklega í skyn að félagið vilji semja aftur við Dele Alli.

Alli er samningslaus þessa stundina en hann er 28 ára gamall og lék með Everton í tvö ár eftir komu frá Tottenham – hann var þó lánaður til Besiktas tímabilið 2022-2023.

Everton hefur lengi verið í útistöðum við Tottenham vegna Alli en hann kom einmitt frá London árið 2022.

Thelwell segir að Everton sé búið að ná samkomulagi varðandi greiðslu við Tottenham og er ekkert sem stoppar félagið í að semja við þennan fyrrum enska landsliðsmann.

,,Við erum á góðum stað varðandi Tottenham og höfum náð samkomulagi um það sem gerist er næsta lið semur við hann,“ sagði Thelwell.

,,Hann myndi elska það að spila fyrir Everton í ensku úrvalsdeildinni og við myndum elska að sjá það gerast því strákurinn hefur upplifað erfiða tíma.“