Simon Jordan, fyrrum eigandi Crystal Palace, hefur skotið aðeins á stórstjörnuna David Beckham sem flestir kannast við.

Beckham gerði garðinn frægan sem knattspyrnumaður en er í dag eigandi Inter Miami í Bandaríkjunum.

Beckham sagði á dögunum að hann hefði sjaldan séð jafn góða stemningu og andrúmsloft í viðureign eftir að hafa horft á Birmingham vinna lið Wrexham í þriðju efstu deild.

Beckham var sérstakur gestur á þessum leik en hann sat við hlið eiganda Birmingham, Tom Brady.

Jordan ákvað að nýta tækifærið og skaut létt á Beckham á samskiptamiðlinum X og hafði þetta að segja:

,,Það sem hann sagði er örugglega rétt miðað við það að hann er reglulega að horfa á Inter Miami,“ sagði Jordan.

Það er engin brjáluð stemning í öllum leikjum MLS deildarinnar í Bandaríkjunum en Inter Miam er einnig nýtt félag og var stofnað árið 2018.