Wes Brown fyrrum varnarmaður Manchester United telur ágætis líkur á því að Cristiano Ronaldo mæti aftur til félagsins til að ljúka ferli sínum.

Ronaldo verður fertugur á næsta ári þegar samningur hans við Al-Nasr í Sádí Arabíu rennur út.

Ronaldo fór frá United unir lok árs árið 2022 þegar hann lenti í stríði við Erik Ten Hag, hann hafði þá verið í 18 mánuði hjá félaginu.

Ronaldo var þar að leika með United í annað sinn og er goðsögn hjá félaginu. „Að Ronaldo snúi aftur er eitthvað sem ég sé alveg gerast,“ segir Brown.

„Þegar hann fór þá voru allir svekktir því hann er einn besti leikmaður í sögu félagsins, ég var sár að sjá hvernig þetta endaði.“

„Hann skoraði einhver 20 mörk á fyrra tímabilinu. Þetta var of mikið hvernig þetta endaði og ég sé hann koma aftur í einhverju hlutverki.“