Stuðningsmenn Bayern Munchen hafa svo sannarlega látið í sér heyra á samskiptamiðlum eftir fréttir vikunnar.

Þeir 30 sem koma til greina í valinu á Ballon d’Or voru opinberaðir en þar er enginn Jamal Musiala. Ballon d’Or eru afhent á hverju ári en þar er besti leikmaður hvers árs valinn.

Musiala er einn mikilvægasti leikmaður Bayern en hann skoraði 12 mörk á síðustu leiktíð í 38 leikjum.

Musiala hefur einnig byrjað vel á þessu tímabili og lék með Þýskalandi á EM í sumar.

Stuðningsmenn Bayern átta sig ekki á af hverju Musiala var ekki tilnefndur en hann er aðeins 21 árs gamall og er gríðarlega efnilegur.

,,Þetta eru svo mikil grín verðlaun. Musiala er klárlega einn af 30 bestu leikmönnum heims,“ skrifaði einn stuðningsmaður.

Annar bætir við: ,,Hvað er fallegt orð yfir trúð? Ég finn ekki neitt betra en hálfvitar.“

Miklu fleiri bættu við ummælum á samskiptamiðla en jafnvel þó Musiala hefði verið tilnefndur væri hann alls ekki líklegur til að vinna verðlaunin.