Eigendur Chelsea, Todd Boehly og Clearlake Capital, eru sagðir vera að íhuga það að selja sinn hlut í félaginu eftir aðeins tvö ár í London.

Frá þessu greinir Mirror í kvöld en eigendurnir hafa pumpað peningum inn í félagið eftir að hafa eignast það 2022.

Báðir aðilar hafa áhuga á því að eignast meirihluta í enska félaginu en viðræður þeirra á milli hafa siglt í strand.

Behdad Eghbali er annar eiganda Clearlake Capital en samband hans og Boehly er ekki gott í dag eftir þónokkrar misheppnaðar viðræður varðandi sölu.

Samkvæmt Mirror eru eigendurnir ekki á sömu skoðun þegar kemur að framtíð félagsins og er framtíðin þess vegna óljós.

Boehly hefur sjálfur tekið skref til baka á undanförnum mánuðum og er Eghbali sá sem situr fyrir flestum svörum á Stamford Bridge í dag.