Kristall Máni Ingason fór á kostum í sigri U21 árs landsliðsins á Dönum í Víkinni í dag.
Um var að ræða leik í undankeppni EM en Kristall Máni jafnaði leikinn fyrir Ísland í 1-1.
Ari Sigurpálsson kom svo Íslandi yfir áður en Danir jöfnuðu leikinn.
Kristall Máni Ingason skoraði svo tvívegis á tveimur mínútum þegar fimmtán mínútur voru eftir af leiknum.
Sigurinn er mikilvægur fyrir Ísland og gefur liðinu séns á að ná í eitt af tveimur efstu sætunum.
