Sjónvarpsréttur á Bestu deild karla erlendis er hjá OneFootball í gegnum Europa Leagues og vel er fylgst með þróun áhorfs á deildina hjá fyrirtækinu.
Áhorf á deildina í gegnum OneFootball er aðeins í boði erlendis frá, ekki er hægt að horfa á leikina í gegnum siðuna hér á landi. Íslendingar erlendis og aðrir eru í auknum mæli að nýta sér þennan möguleika og hefur áhorfið á deildina verið að aukast frá síðasta tímabili.
Á tímabilinu apríl – október 2023 voru samtals 80.595 áhorf á leikina 128 sem í boði voru eða að jafnaði um 630 áhorf á hvern leik.
Mest var áhorfið í maí 2023 þegar 25.600 áhorf voru á leikina 32 sem í boði voru þann mánuðinn, eða að jafnaði um 800 áhorf á hvern leik. Áhorfið á yfirstandandi tímabili stefnir í að verða enn betra en á síðasta tímabili og þróunin hefur verið með nokkuð öðru móti, áhorfendum á OneFootball hefur fjölgað frá mánuði til mánaðar frá því mótið hófst í apríl.
Það er athyglisvert að mest áhorf á deildina er frá Brasilíu en þar á eftir koma Ítalía, Þýskaland, Bretland og Bandaríkin.
55 þús áhorf hafa verið á leikina 79 sem eru komnir inn í samantekt, eða um 700 áhorf á hvern leik að jafnaði. Mest hefur áhorfið í heilan mánuð verið í júní eða um 21 þús áhorf á 24 leiki eða 875 áhorf á hvern leik að meðaltali en hins vegar eru 6.100 áhorf í júlí á aðeins 6 leiki sem eru í samantektinni sem komin er, ríflega 1.000 áhorf á hvern leik.
