Frakkinn Michael Olise mun gangast undir læknisskoðun hjá Bayern Munchen á sunnudaginn og svo ganga í raðir félagsins.
Um er að ræða 22 ára gamlan leikmann sem er á mála hjá Crystal Palace í efstu deild Englands.
Olise heur samþykkt að ganga í raðir Bayern en hann er talinn kosta yfir 50 milljónir punda.
Vængmaðurinn var ansi eftirsóttur en lið eins og Liverpool, Inter Milan, Chelsea og Manchester United sýndu honum áhuga.
Bayern hafði hins vegar betur í þessari baráttu og verður hann líklega kynntur til leiks í Þýskalandi á mánudag.
