Heimir Hallgrímsson hefur sagt upp störfum sem landsliðsþjálfari Jamaíku. Þetta var tilkynnt í kjölfar þess að liðið lauk keppni á Copa America í nótt, en liðið endaði með 0 stig í riðlakeppninni.
Heimir hefur stýrt jamaíska landsliðinu í tæp tvö ár en í gær var greindu miðlar ytra frá því að samband hans við knattspyrnusambandið þar í landi væri slæmt.
Hann hættir því þrátt fyrir að eiga tvö ár eftir af samningi sínum.
Jamaíska sambandið þakkar Heimi kærlega fyrir sín störf, en á tíma sínum kom hann liðinu til að mynda í undanúrslit Gullbikarsins og nú síðast inn á Copa America.
