Barcelona vill fá sóknarmanninn Joao Felix aftur í sínar raðir en þetta fullyrðir spænski miðillinn Sport.

Hansi Flick tók við Barcelona fyrr á árinu en hann er sagður vera mikill aðdáandi portúgalska landsliðsmannsins.

Felix er ansi upptekinn þessa stundina en hann er með portúgalska landsliðinu á EM í Þýskalandi.

Felix skoraði tíu mörk og lagði upp önnur sex í vetur en hann spilaði sem lánsmaður hjá Barcelona frá Atletico Madrid.

Barcelona hefur ekki efni á því að kaupa Felix og eru allar líkur á að um lánssamning verði að ræða ef hann fer aftur á Nou Camp.