Gylfi Þór Sigurðsson er ekki með Val sem spilar við Vestra í dag en um er að ræða leik í Bestu deildinni.
Þessar fréttir koma nokkrum á óvart en þá er Jeppe Gertsen heldur ekki með Vestra í viðureigninni.
Gylfi er mikilvægasti leikmaður Vals og átti frábæran leik í vikunni gegn Víkingum.
Gylfi skoraði bæði mörk Vals í 2-2 jafntefli en þau komu bæði af vítapunktinum.
Hann verður hins vegar ekki með í dag er Valur heimsækir Vestra á Ísafjörð.
