Það vakti nokkra athygli undir lok tímabilsins á Englandi þegar Darwin Nunez framherji Liverpool ákvað að eyða út öllum myndum tengdum Liverpool af Instagram.
Strax fóru af stað kjaftasögur um að hann væri ósáttur hjá Liverpool en hann tekur fyrir það.
Nunez ræðir málið í fyrsta skiptið núna og segir að neikvæðar athugasemdir hafi verið byrjaðar að hafa mikil áhrif sig.
„Frá því að ferilinn fer af stað og þangað til að hann er búinn, þá koma alltaf neikvæð komment frá fólki. Ég var að fylgjast of mikið með þessu og það hafði áhrif á mig;“ sagði Nunez.
Nunez hefur síðan þá breytt um Instagram síðu sinni þar sem hann og unnusta hans eru í Liverpool treyju.
„Neikvæð ummæli hafa áhrif á alla, sá sem segir að það hafi ekki áhrif er að ljúga. Þau hafa alltaf áhrif.“
„Ég er hættur að lesa þetta í dag, ég fylgist hvorki með jákvæðu eða neikvæðu ummælunum. Ég treysti á fjölskyldu mína þegar illa gengur.“
„Ég verð reiður þegar það gengur illa, ég reyni að finna gleðina með fjölskyldunni. Leikurinn er búinn og ég reyni að finna gleðina og hefna mín í næsta leik.“
