Íþróttavikan kemur út alla föstudaga á 433.is og á Hringbrautarrás Sjónvarps Símans. Helgi Fannar Sigurðsson og Hrafnkell Freyr Ágústsson hafa umsjón með þættinum.

Það sauð upp úr í sigri Vals á Breiðabliki í Bestu deild karla á dögunum og Adam Ægir Pálsson, leikmaður Vals, fékk rautt fyrir kjaftbrúk.

Gylfi Þór Sigurðsson, leikmaður Vals, sagði við Stöð 2 Sport eftir leik að eðlilegt sé að dómarar spjaldi fyrir slíkt en vill leyfa aðeins meiri hörku inni á vellinum.

„Ég sá þetta ekki, dómarinn sagði mér að Adam hefði sagt eitthvað. Ég myndi ekki vilja vera dómari, þetta er mjög erfitt. Mér finnst línan, það má brjóta af sér án þess að fá spjald. Mér finnst allt í lagi að spjalda bekkinn fyrir tuð og menn sem segja eitthvað, mér finnst í lagi að leyfa meiri hörku.“

Þetta var rætt í þættinum.

„Mig langar að hrósa Gylfa fyrir sitt viðtal eftir leik. Þetta var eitt faglegasta og yfirvegaðasta viðtal sem ég hef heyrt,“ sagði Helgi.

Hrafnkell tók til máls.

„Þetta segir mikið um hversu faglegur hann er. Hann er ekkert vanur að vera með þjálfara sem er alltaf gargandi og þeir gátu það heldur ekki á 30-40 þúsund manna völlum.“

Umræðan í heild er í spilaranum.

Íþróttavikan er í boði Bola léttöl og Lengjunnar