Hinn umdeildi Kyle Walker hefur fengið að snúa aftur heim til sín og er fluttur inn til eiginkonu sinnar Annie Kilner á ný.
Frá þessu greina enskir miðlar en Walker hefur búið einn undanfarnar vikur eftir að hafa haldið framhjá konu sinni í annað sinn.
Annie sparkaði Walker út fyrr á árinu en bakvörðurinn eignaðist sitt annað barn með Instagram fyrirsætunni Lauryn Goodman.
Annie var miður sín eftir að hafa komist að framhjáhaldinu en hún var sjálf ófrísk á þeim tíma. Hún og Walker eiga í dag alls fjögur börn saman.
Walker hefur nú fengið annan séns á að halda hjónabandinu gangandi og er Annie sannfærð um að enski landsliðsmaðurinn hafi lært sína lexíu.
Annie þarf stuðning eftir að hafa eignast fjórða barnið en Walker hefur sjálfur grátbeðið um að fá að snúa aftur heim og fékk loks ósk sína uppfyllta.
Walker á tvö börn með Lauryn en þau eignuðust fyrra barn sitt eða drenginn Kairo fyrir um fjórum árum.
