Gary Neville telur að sú ákvörðun Chelsea að gera allt að átta ára samninga við leikmenn vera stærstu ástæðu þess að félagið er í klandri.

Hann segir að ungir leikmenn liðsins hafi fengið slíkt öryggi að það sé enginn ástæða fyrir þá að taka lífinu of alvarlega.

Þannig var Mykhailo Mudryk keyptur á 88,5 milljónir punda og fékk átta og hálfs árs samning. Hann er með 18 milljónir króna í laun á viku og á nú sjö ár eftir af þeim samningi.

Enzo Fernandez var keyptur á yfir 100 milljónir punda og fékk samning til ársins 2031 með 180 þúsund pund á viku.

Moises Caicedo kostaði 115 milljónir punda og er með 150 þúsund pund á viku í átta ár, Nicolas Jackson fékk 65 þúsund pund á viku til átta ára. Noni Madueke, Benoit Badiashile, Malo Gusto og Cole Palmer eru svo allir á löngum samningum.

Chelsea gerir þetta til að komast í gegn FFP kerfið. „Þeim vantar reynslu, þeir verða að hætta þessum átta ára samningum,“ sagði Neville.

„Þetta eru ekki góðir samningar fyrir unga leikmenn, peningarnir eru miklir og þú ert með átta ára samning sem 21 árs eða 22 ára gamall. Ungir leikmenn fara að hugsa um hvað þeir eru ríkir.“

„Þetta hefur áhrif á hugarfarið hjá sumum, hvað á að kveikja í þeim?.“