Sjónvarpsmaðurinn umdeildi Piers Morgan gerir mikið af því að rífast við ‘aðdáendur sína’ á samskiptamiðlinum Twitter eða X.
Morgan er harður stuðningsmaður Arsenal og sá sína menn vinna 2-0 útisigur á Wolves í úrvalsdeildinni í gær.
Rifrildið umtalaða tengdist þó ekki þeim leik heldur leik Chelsea við Manchester City í undanúrslitum bikarsins.
Morgan segir að öllum sé sama um FA bikarinn og að það eina sem skipti máli sé enska úrvalsdeildin eða þá Meistaradeildin.
Morgan var bent á það að FA bikarinn væri sá bikar sem Arsenal hefur unnið á síðustu 20 árum en liðið vann deildina síðast 2004.
,,Chelsea var stórlið en nú er þetta lestarslys fullt af ofdekruðum og gagnslausum krökkum sem rífast um hver fær að taka vítaspyrnu. Vandræðalegt,“ sagði Morgan á meðal annars.
Stuðningsmenn Chelsea baunuðu hressilega á Morgan fyrir ummælin en þeir bláklæddu hafa unnið deildina fimm sinnum og Meistaradeildina tvisvar síðan Arsenal vann úrvalsdeildina síðast.
