Arnar Gunnlaugsson, þjálfari Víkings, var að vonum sáttur í kvöld eftir 4-1 sigur sinna manna á Breiðabliki á Víkingsvelli.

Arnar ræddi við Stöð 2 Sport eftir leikinn en fjallað er um leikinn í beinni útsendingu á Stöð 2 Sport er þetta er skrifað.

Arnar gat brosað eftir viðureignina og segir að um ákveðið ‘statement’ sé að ræða með sigrinum.

,,Sanngjarn sigur, það gæti vel verið að 4-1 hafi verið aðeins of stórt kannski en sanngjarn sigur, frábær fyrri hálfleikur fyrir utan fyrstu fimm mínúturnar en svo skora þeir mark þarna og fá smá auka adrenalín og sjálfstraust sem þeir áttu ekki skilið á þeim tímapunkti í leiknum,“ sagði Arnar.

,,Í seinni hálfleik eru þeir komnir í chaos fótbolta sem við dílum illa við en við erum deadly í skyndisóknum og það er hrikalega gaman að sjá Ara koma til baka, hann hefur þolað mikið í vetur og var frábær fyrir okkur 2022. Vonandi er þessi meiðslasaga að baki.“

,,Ég talaði um það fyrir leikinn, eftir þrjár umferðir er erfitt að lesa í mótið en það er mikilvægt að gefa öðrum liðum einhvern smjörþef af því að við séum orðnir saddir. Það má segja að þetta hafi verið smá statement.“