Lárus Orri Sigurðsson og Albert Brynjar Ingason, sérfræðingar Stúkunnar segja að Valur verði að vera með plan B í leikjum sínum. Liðið gerði markalaust jafntefli við Fylki á sunnudag.
Valur átti í nokkrum vandræðum með að opna lið Fylkis og hefðu sérfræðingar Stúkunnar vilja sá annað plan hjá Val þegar andstæðingar ná að loka á þá.
„Valur er með stjörnuprýtt lið og hver einasti leikmaður, tala nú ekki um unga menn eins og Fylki þá leggja ungir menn allt í sölurnar gegn Gylfa og Co. Það gengur ekki að koma inn í leikinn bara með eitt plan, þeir verða að hafa plan B. Það leið. lengur tími þangað til þeir brugðust við, það eru tuttugu mínútur eftir þegar Aron Jó droppar niður og Kristinn Freyr kemur inn. Hann breytti stöðunni, hann fer í svæðið sem þeir sóttu ekkert í,“ sagði Lárus Orri í Stúkunni í gær.
„Valsarar fengu eitt dauðafæri í lokin en Fylkir hékk á þessu.“
Albert Brynjar segir að Valur verði að fá kantmenn sína til að spila á annan hátt þegar fyrsta plan er ekki að ganga upp.
„Að Tryggvi og Jónatan komi ekki inn, þú ert með Gylfa, Aron og Patrick. Enginn af þeim ógnar inn fyrir línu, af hverju taka Tryggvi og Jónatan ekki hlaup inn fyrir eins og framherjar. Það gerðist aldrei,“ sagði Albert Brynjar.
