Breiðablik er líklega með stærsta budgetð í Bestu deild karla í sumar ef marka má Arnar Grétarsson, þjálfara Vals. Hann ræddi þetta í Chess after Dark í gærkvöldi.
Arnar sem er fyrrum fyrirliði og þjálfari Breiðabliks telur að sitt gamla félag sé farið fram úr Val og fleiri liðum í fjármagni á leikmannahópi.
„Það eru miklir peningar í að verða meistari, Blikar eru að tjalda miklu til,“ sagði Arnar í þættinum en hann er á leið inn í sitt annað tímabil með Val.
„Ef þeir eru ekki með stærsta budgetið, þá eru þeir við það.“
Stjórnendur CAD spurðu þá hvort þetta hefði ekki breyst með komu Gylfa Þórs Sigurðssonar í raðir vals.
„Ég myndi halda þeir, heldur þú að Gylfi sé að fá 100 milljónir á ári? Ég myndi halda að hann standi ágætlega drengurinn,“ sagði Arnar.
Hann segir mikið hafa breyst hjá Breiðablik síðustu ár. „Þeir eru með alvöru budget, það hefur breyst mjög mikið síðustu ár. Þeir eru á flottum stað, eru búnir að spenna bogann ansi mikið og hafa fengið miklar tekjur.“
