Það er mjög líklegt að Kylian Mbappe skrifi undir hjá Real Madrid í sumar en hann leikur með Paris Saint-Germain.

Mbappe verður samningslaus í sumar og er það hans draumur að spila með spænska stórliðinu.

Mbappe mun hins vegar ekki fá sjöuna hjá Real en það er númerið sem hann klæðist í frönsku höfuðborginni.

Mundo Deportivo fullyrðir það en Vinicius Junior klæðist þeirri treyju í dag og er ekki á förum í sumar.

Í sömu frétt er sagt að Mbappe fái tíuna hjá Real og tekur við því númeri af Luka Modric sem ku vera á förum.

Real hefur tekið ákvörðun um að framlengja ekki samning Modric sem er 38 ára gamall og hefur spilað 28 leiki á tímabilinu hingað til.