Sigurður Óli Þorleifsson, fyrrum dómari í knattspyrnu skorarar á alla mótshaldara í sumar að bjóða börnum frá Grindavík að koma frítt á mótin. Ljóst er að börn og aðrir úr Grindavík komast ekki til síns heima á næstunni.

Fjölskyldur úr Grindavík hafa þurft að koma sér fyrir víða um land en börnin eiga sér þann draum að spila saman í sumar á þeim knattspyrnumótum sem verða.

Sigurður birti færslu um málið á Facebook og strax eru byrjuð að koma svör. „Næsta sumar eru framundan stórskemmtileg knattspyrnumót. Eins og N1 mótið, Orkumótið, TM mótið og fleiri. Þó við Grindvíkingar séum dreifðir um sv-hornið og jafnvel víðar og börnin okkar að æfa með hinum ýmsu liðum sem hafa tekið börnin okkar opnum örmum og eiga allt þakklæti fyrir. Þá viljum við þó ekki nema væri að spila undir merkjum GrIndavíkur Knattspyrnudeild Grindavíkur UMFG á þessum mótum. Þannig að börnin okkar hittist og haldi sínum vinskap. Ég veit að víða á heimilum okkar Grindvíkinga er þung fjárhagsleg staða í þessari óvissu allri. Og þó að ríkisstjórnin komi með “björgunarpakka” þá er það einungis til að koma okkur á fætur,“ skrifar Sigurður.

Hann skoraði svo á flest þau félög sem halda mót á sumrin að bjóða börnunum að koma frítt á mótin. „ð bjóða börnum úr Grindavík endurgjaldslaust á þessi mót. Trúið mér, þetta er ekki stórt fyrir ykkur, en risastórt fyrir Grindvíska samfélagið ❤️ með von um að þessi pistill fari á flug, þar sem að núna kemur að staðfestingargreiðslum ofl varðandi mótin. Ef þær áhyggjur yrðu teknar í burtu, þá væri það mikil hjálp á mörgum brotnum heimilum.“

Sigurður fékk fljótlega eftir pistilinn skilaboð frá Akureyri um að allir úr Grindavík myndu fá frítt á N1 mótið á Akureyri sem haldið er fyrir 5. flokk karla. „Ég var að fá yndislegan póst frá KA. KA býður Grindvíkingum á N1 mótið endurgjaldslaust. Takk KA,“ skrifar Sigurður.