Framganga KR á leikmannamarkaðnum undanfarna daga hefur vakið mikla athygli en svo virðist sem félagið hafi mikla fjármuni í rekstri sínum, eitthvað sem hefur ekki verið síðustu ár.

Ítrekaðar sögur um að KR hafi verið í vandræðum með að standa við greiðslur undanfarin ár virðast úr sögunni. Kjaftasögur eru í gangi um að fjársterkir aðilar hafi sett mikið af peningum inn í reksturinn fyrir þetta tímabilið.

Það hefur skilað sér í því að KR hefur samið við Aron Sigurðarson og Alex Þór Hauksson sem báðir eru að koma úr atvinnumennsku. Voru fjöldi liða hér heima sem vildi fá þá en KR hafði betur.

Fjallað var um málið í útvarpsþætti Fótbolta.net á laugardag og rætt um þá aðila sem eru að setja peninga í félagið. „Gullkistan er búin að opnast aftur. Þetta er mikill maður sem á mikið af peningum og góða vini, góðan vin sérstaklega. Sá vinur á líka mjög góða vini út í heimi,“ sagði Tómas Þór Þórðarson, ritstjóra enska boltans.

Mennirnir sem Tómas ræddi um voru ekki nefndir á nafn í þættinum en Tómas segir að þar séu til nóg af peningum.

„Þessi maður, hann þarf enga vini til þess að kaupa eitt fótboltalið. En ef þeir eru klárir, guð hjálpi öllum hinum. Á sama tíma eru Valsmenn farnir að stíga bremsuna enda með vel mannað lið og gott þjálfarateymi.“