Scott McTominay leikmaður Manchester United segir að Jose Mourinho hafi verið fljótur að taka sig niður þegar hann var ungur að árum.
Skotinn knái mætti þá á sína fyrstu æfingu og fór að rífa kjaft við allt og alla.
„Þegar ég fór fyrst að æfa með aðalliðinu í byrjun tímabilsins 2017, ég fór á æfingar sem Jose stýrði en margir leikmenn voru í verkefnum með landsliðum,“ segir McTominay.
„Það var dómari á þessari fyrstu æfingu sem dæmdi leik þar sem ungir voru á móti gömlum. Ég var að tapa mér, lét í mér heyra.“
„Það er líklega rétt að gera það en líka rangt, ég var að rífast við eldri menn eins og Michael Carrick og Ashley Young. Ég lét þá vita að allir dómar væru að falla með þeim.“
Mourinho tók McTominay til hliðar eftir æfinguna. „Mourinho ræddi við mig og sagði að ég yrði að láta leikmennina líka vel við mig, hann sagði að ég væri ekki búinn að afreka neitt.“
„Nokkrum mánuðum síðar kom þjálfari til mín og sagði að Jose hefði bara verið að prófa mig.“
