Slúðurmiðlar á Englandi halda því fram að Arsenal hafi áhuga á því að kaupa Amadou Onana miðjumann Everton nú í janúar.

Everton þarf að fá peninga í kassann og er Onana einn verðmætasti leikmaður liðsins.

Landsliðsmaðurinn frá Belgíu var frábær á síðustu leiktíð og sýndi Manchester United honum áhuga í sumar.

Sama dag og þessar kjaftasögur birtast setti umboðsmaður hans og systir inn mynd af sér í leigubíl í London.

Telja margir að hún sé þarna að gefa því undir fótinn að viðræður við Arsenal séu í gangi.

Arsenal vill styrkja lið sitt í janúar en Onana er miðjumaður en flestir stuðningsmenn liðsins vilja fá sóknarmann.