Markmið Marcus Rashford er að vera áfram hjá Manchester United og skrifa undir nýjan samning.
Þetta herma heimildir enska blaðsins The Sun.
Hinn 25 ára gamli Rashford var stórkostlegur á leiktíðinni og skoraði 30 mörk fyrir United.
Englendingurinn verður hins vegar samningslaus næsta sumar og því verið orðaður við önnur félög.
Það er hins vegar útlit fyrir að Rashford verði áfram. Hann er hrifinn af því sem er í gangi hjá United undir stjórn Erik ten Hag. Liðið endurheimti Meistaradeildarsæti á þessari leiktíð, vann enska deildabikarinn og fór í úrslit bikarsins.
Samkvæmt nýjustu fréttum er vilji beggja aðila, Rashford og United, að gera nýjan langtímasamning.
Ástæðan fyrir því að viðræður hafa dregist á langinn er sú að Rashford lítur á það sem svo að hann sé að gera stærsta og mikilvægasta samning ferilsins. Því eru ekki öll smáatriði í höfn enn.
Enski boltinn á 433 er í boði 
