Odion Ighalo, helsta stjarna Al-Hilal, í Sádí Arabíu er á förum frá félaginu og leitar annað í sumar.
Þetta hefur Al-Hilal staðfest en Ighalo hefur leikið með félaginu undanfarna 18 mánuði.
Fyrir það var Ighalo hjá Manchester United en er þekktastur fyrir tíma sinn hjá Watford í ensku úrvalsdeildinni.
Þetta ku opna dyrnar fyrir Lionel Messi sem er á förum frá Paris Saint-Germain og er óljóst hvert hann heldur í sumar.
Al-Hilal vonast eftir því að tilkynna komu Messi á næstu dögum en liðið má aðeins vera með sjö erlenda leikmenn innanborðs.
Það að Ighalo sé nú á förum gefur sterklega í skyn að Messi sé á leiðinni en það kemur væntanlega í ljós eftir helgi.
