Manchester United endar tímabilið á Englandi í þriðja sæti eftir 2-1 heimasigur á Fulham í dag.
Sigurinn dugði Man Utd til að enda fyrir ofan Newcastle sem gerði 1-1 jafntefli við Chelsea á sama tíma.
Ansi áhugavert atvik átti sér stað í fyrri hálfleik er David de Gea varði vítaspyrnu frá Aleksandar Mitrovic.
De Gea er umdeildur á meðal stuðningsmanna Man Utd en hann er ekki þekktur fyrir það að verja vítaspyrnur.
Eftir að hafa varið spyrnuna ákvað Spánverjinn að þruma boltanum langt upp í stúku og velta margir fyrir sér, af hverju?
De Gea er orðaður við brottför í sumar en atvikið sjálft má sjá hér fyrir neðan.
