Tim Sherwood bað Harry Redknapp um að kaupa Jack Grealish á sínum tíma er leikmaðurinn var á mála hjá Aston Villa.
Grealish var aðeins 16 ára gamall er Sherwood tók eftir hans hæfileikum en í dag er hann enskur landsliðsmaður og spilar með Manchester City.
Redknapp var stjóri Tottenham á þessum tíma en hann vildi ekki skipta á Jermaine Jenas og Grealish. Sá fyrrnefndi bjóst við því að hann myndi ekki ná að nota leikmanninn á meðan hann væri við stjórnvölin.
Redknapp þjálfaði Tottenham frá 2008 til 2012 en Sherwood var á þeim tíma aðstoðarmaður hans í London.
,,Ég horfði á hann þegar hann var 16 ára gamall gegn unglingaliði Tottenham,“ sagði Sherwood.
,,Ég man eftir því að hafa mætt á leik á White Hart Lane og Redknapp spurði mig hver staðan væri.“
,,Ég sagðist ekki vita það, að það eina sem ég væri að gera væri að horfa á strák sem heitir Grealish. Það var ótrúlegt, bætti ég við.“
,,Aston Villa hafði áhuga á Jermaine Jenas, við hefðum átt að skipta á þessum leikmönnum. Harry benti á að hann væri aðeins 16 ára gamall og að þegar tíminn kæmi að hann væri hluti af aðalliðinu þá væri hann sjálfur farinn frá félaginu.“
Enski boltinn á 433 er í boði 
