Mauricio Pochettino, stjóri Chelsea, viðurkennir það að fyrirliði liðsins, Reece James, sé ansi sorgmæddur þessa stundina.
James byrjaði sinn fyrsta leik í dágóðan tíma gegn Everton um síðustu helgi en meiddist í þeim leik enn eina ferðina og fór af velli í fyrri hálfleik.
James hefur glímt við mörg meiðsli undanfarna mánuði en hann er enn aðeins 24 ára gamall og treystir Chelsea mikið á hann í vörninni.
Pochettino myndi auðvitað vilja nota James meira en gengi liðsins á tímabilinu hefur ekki verið gott.
,,Ég vil ekki tjá mig of mikið uim þetta, við þurfum að kynnast stöðunni betur. Hann er ansi sorgmæddur því hann vildi snúa aftur í liðið,“ sagði Pochettino en James verður frá í allt að fjóra mánuði.
,,Við reyndum að gera það skref fyrir skref, fyrst spilaði hann 25 mínútur, svo 35, 45 og 60.“
,,Hann er gríðarlega vonsvikinn og pirraður. Við þurfum að passa okkur hvernig við tölum um stöðuna og finna lausn á hvernig við getum notað hann stöðuglega.“
