Gareth Southgate þjálfari enska landsliðsins sér það ekki fyrir sér að hægt sé að nota Phil Foden sem kantmann hjá enska liðinu.

Hann segist hafa átt samtal við Pep Guardiola um málið en Foden er iðulega notaður sem kantmaður hjá City.

Enskir blaðamenn telja að Foden eigi að fá tækifæri miðsvæðis þar sem sköpunargáfa hans getur nýst vel.

„Hann spilar ekki á miðjunni hjá City og fyrir því eru eflaust ástæður, það eru smáatriði sem þarf að hugsa um án bolta en flestir ræða bara um hvað hann getur gert með boltann,“ segir Southgate.

„Þú þarft að vera með allar staðsetningar á hreinu á miðsvæðinu, sérstaklega ef horft er í pressu. EF það misheppnast fer allt flæði.“

„Það væri sniðugt hjá ykkur að ræða við Pep Guardiola sem er færasti þjálfari í heimi, hann spilar á kantinum hjá honum. Þar er hann frjáls og getur hreyft sig sem er gott.“