Christina Henriette Longva Andreassen er hörð stuðningskona Manchester United sem hikar ekki við að láta húðflúra á sig hluti tengda félaginu.

Fyrir tveimur árum ákvað Christina að setja treyjuna sjö á handlegg sinn, var það vegna þess að Cristiano Ronaldo mætti aftur til félagsins.

Christina ákvað að hafa ekki nafn Ronaldo með en fær þrátt fyrir það að finna fyrir gríni þessa dagana. Ronaldo fór frá United á síðustu leiktíð og í dag er það Mason Mount sem er í treyjunni.

„Þetta er bara treyja með númerinu sjö aftan á,“ segir Christina.

„Þetta var afmælisgjöf fyrir vin minn en þetta var gert á þeim tíma sem Cristiano Ronaldo kom aftur.“

Hún segir fá að finna fyrir því. „Eftir að Ronaldo fór þá eru heimskingjar sem spyrja mig hvort ég sjái ekki eftur þessu. Ég er orðin þreytt á að svara þessu á Instagram.“

Hún er með fleiri húðflúr á sér en á einum puttanum má sjá M.U.F.C sem er skamstöfun félagsins.