Amanda Andradóttir er búinn að skrifa undir hjá Val.

Hin gríðarlega efnilega Amanda kemur frá Kristianstad í Svíþjóð, en hún hefur spilað erlendis síðan 2019.

Hún er að snúa aftur í Val, þar sem hún spilaði í yngri flokkum einnig.

Amanda er 19 ára gömul og á að baki 13 A-landsleiki fyrir Íslands hönd.

Hún er hluti af íslenska hópnum sem mætir Finnlandi og Austurríki í Vináttuleikjum á næstu dögum.

Tilkynning Vals
Amanda snýr aftur að Hlíðarenda

Amanda Andradóttir hefur skrifað undir hjá Val og kemur til félagsins frá Kristianstad í Svíþjóð. Amanda er ein efnilegasta knattspyrnukona landsins, fædd árið 2003 og lék með Val í yngri flokkum. Hún hefur spilað með Nordjælland í Danmörku, Vålerenga í Noregi og Kristianstad í Svíþjóð. Hún hefur leikið 12 leiki með yngri landsliðum Íslands og skorað 10 mörk og 13 A landsliðsleiki og skorað 2 mörk. Þà er hún í A landsliðshópnum sem mætir Finnlandi og Austurríki á næstu dögum.

Við erum gríðarlega spennt að fá Amöndu heim og hlökkum til að sjá hana í fyrsta sinn i efstu deild á Íslandi.

Velkomin heim Amanda!