Al-Ittihad í Sádí Arabíu hefur boðið Paul Pogba rosalegan samning sem myndi gera hann að einum launahæsta leikmanni í heimi.

Pogba heimsótti Sádí Arabíu um helgina og segir Sky á Ítalíu að Pogba hafi heimsótt æfingasvæði Al-Ittihad.

Pogba átti mjög erfitt ár hjá Juventus en þangað kom hann frítt frá Manchester United.

Al-Ittihad er vel mannað lið en liðið fékk N´Golo Kante og Karim Benzema fyrr í sumar og nú gæti þriðji franski leikmaðurinn verið á leið.

Juventus er sagt tilbúið að selja Pogba en Al-Ittihad er til í að borga honum 100 milljónir evra í árslaun eða 14,7 milljarða á ári.